- ຖ້າຫາກຄຳຕອບເປັນທີ່ພໍໃຈກັບເຈົ້າ ໃຫ້ສະແດງຄວາມຂອບໃຈຕໍ່ຄຳຕອບທີ່ ໄດ້ມາ ແລະ ຊຸກຍູ້ໃຫ້ຜູ້ເຂົ້າຮ່ວມມີສ່ວນຮ່ວມໂຕອື່ນຫຼາຍຂຶ້ນ.
- ຖ້າຄຳຕອບທີ່ໄດ້ເປັນພຽງແຕ່ພາກສ່ວນໃດໜຶ່ງ (ຍັງບໍ່ຄົບ) ຫຼື ຕອບຍັງບໍ່ຖືກ ໃຫ້ເລືອກ ພາກສ່ວນທີ່ຕອບຖືກ ແລະ ຖາມຄຳຖາມເພີ່ມເຕີມ ຫຼື ສົ່ງຕໍ່ຄຳຖາມໃຫ້ຜູ່ເຂົ້າຮ່ວມຄົນອື່ນ.
- ຄຳຕອບຫຍັງບໍ່ເປັນທີ່ພໍໃຈຂອງເຈົ້າໃຫ້ຄຳນຶງເຖິງຄວາມພະຍາຍາມຂອງຜູ້ຕອບ ແລະ ບໍ່ຕ້ອງກົດດັນ ຫຼື ເຮັດໃຫ້ເຂົາເຈົ້າເກີດຄວາມອາຍຍ້ອນຕອບບໍ່ຖືກ ຈະເປັນການດີຖ້າເຮົາຖາມຄຳຖາມຄືນໃໝ່ ແຕ່ປ່ຽນວິທີຖາມ ແລະ ສົ່ງຄຳຖາມນັ້ນໃຫ້ຜູອື່ນ ຫຼື ຊ່ວຍໃນການຕອບຄຳຖາມນັ້ນ.
ເຮົາຈະຮັບມືກັບຄຳເຫັນ ແລະ ຄຳຖາມຕ່າງໆແນວໃດ
- ຢ່າພະຍາຍາມຊູຊີ (ທີ່ຈະຖາມ ຫຼື ເພື່ອໃຫ້ໄດ້ຄຳຕອບ)
- ບໍ່ຕ້ອງປະເມີນຄຳຖາມ
- ບໍ່ຕ້ອງໃຊ້ຄວາມພະຍາຍາມທີ່ຈະປົກປ້ອງເຈົ້າເອງ
- ຢ່າປະຕິເສດຄຳຖາມ
- ເຄົາລົບຜູ້ທີ່ເຈົ້າກຳລັງເວົ້ານຳ
- ເຮັດໂຕມິດຢູ່
ການຖາມຄຳຖາມ
- ວາງແຜນການຖາມຄຳຖາມເຮົາຄວນຮູ້ເຮົາຈະຖາມຫຍັງ ຖາມເມື່ອໃດ ໃນໄລຍະການເຝິກອົບຮົມ
- ຮູ້ຈຸດປະສົງຂອງຄຳຖາມທີ່ຖາມໄປ
- ຖາມຈາກຄຳຖາມທົ່ວໄປ ແລະ ໄປຫາຄຳຖາມສະເພາະເຈາະຈົງ
- ແຕ່ລະຄຳຖາມທີ່ຖາມຄວນກ່ຽວຂ້ອງກັບຫົວຂໍ້ອື່ນ
- ຄຳຖາມສັ້ນກະທັດຮັດ ຊັດເຈນເຂົ້າໃຈງ່າຍ
- ທຸກຄຳຖາມຄວນກ່ຽວຂ້ອງ ແລະ ເປັນຕ່ອງໂສ້ກັນ
- ທຳອິດຖາມຄຳຖາມກັບຜູ່ເຂົ້າຮ່ວມທັງໝົດ ຈາກນັ້ນຖາມສະເພາະບຸກຄົນ
- ຫຼີກລ້ຽງຄຳຖາມທີ່ເຮົາເອງສາມາດຕອບວ່າ “ແມ່ນ ຫຼື ບໍແມ່ນ”
- ຢ່າພະຍາຍາມລົບກວນຜູ້ຕອບໃນເວລາທີ່ເຮົາຖາມອອກໄປແລ້ວ
ການຕອບຄຳຖາມ
ສິ່ງທີ່ຄວນຈຳ
- ຄຳຖາມນັ້ນມັນໄດ້ຊຸກຍູ້ໃຫ້ກຸ່ມໄດ້ຄົ້ນຫາຄຳຕອບ-ຂໍ້ສະຫຼຸບດ້ວຍຕົນເອງ ບໍ? “ເຈົ້າຮູ້ສຶກແນວໃດໃນການເຮັດວຽກກ່ຽວກັບບົດຝຶກຫັດທີ່ໃຫ້? ຄຳຖາມນີ້ໂອກາດທີ່ຈະໄດ້ຄຳຕອບແມ່ນບໍ່ສິ້ນສຸດ.
ແຕ່ຖ້າຖາມ“ເຈົ້າຮູ້ສຶກສະດວກ ໃຈໃນການເຮັດບົດເຝິກຫັດນີ້ບໍ? ຫຼຸດຜ່ອນຄວາມເປັນໄປໄດ້ຂອງ ຄຳຕອບ“ສະດວກໃຈ” ຫຼື “ບໍ່ສະດວກໃຈ”ເທົ່ານັ້ນ. ການສ້າງຄຳຖາມທຳອິດ ເປັນການ ເປີດຫົວຂໍ້ ເພື່ອສົນທະນາ ແລະ ຄຳຖາມທີ່ສອງແມ່ນ ເພື່ອປິດຫົວຂໍ້ ສົນທະນາດັ່ງກ່າວ - ຕັ້ງບັນຫາໃນທາງສ້າງສັນ, ດີແທ້ບໍ່ຄວນຖາມ “ເປັນຫຍັງ ແຜນນີ້ຈິ່ງບໍ່ໄດ້ ກຳນົດຜົນຄາດວ່າທີ່ຈະໄດ້ຮັບ” ແຕ່ຄວນຖາມ “ແມ່ນຫຍັງທີ່ເປັນອັນ
- ທ້າທາຍທີ່ພວກເຮົາຕ້ອງຂ້າມຜ່ານໃຫ້ໄດ້ຖ້າພວກເຮົາຍອມຮັບແຜນດັ່ງກ່າວ”
ຈະເປັນການດີຍິ່ງຖ້າພວກເຮົາໄດ້ກະກຽມຄຳຖາມໄວ້ກ່ອນລ່ວງໜ້າ ເພື່ອໃຫ້ຮູ້ວ່າເຮົາຈະຖາມຜູ່ເຂົ້າຮ່ວມຫຍັງແດ່? ຄຳຖາມທຸກຄຳຖາມຈະເຮັດໜ້າທີ່ຄື ກັບຂົວ ແລະ ນຳໄປສູ່ຫົວຂໍ້ໃໝ່ ຫຼື ເຮັດໃຫ້ການບັນຍາຍສັ້ນລົງ
- ຕ້ອງຮັບປະກັນວ່າເຮົາເຂົ້າໃຈສິ່ງທີ່ຜູ້ຖາມຕັ້ງໃຈຈະຖາມ ແລະ ເນື້ອໃນຂອງ ຄຳຖາມນັ້ນແມ່ນຫຍັງ?
- ຄວນທວນຄຳຖາມຄືນ (ເວົ້າລື້ມຄືນໂດຍນຳໃຊ້ຄຳເວົ້າໃໝ່) ເພື່ອໃຫ້ເຂົ້າໃຈ ຄຳຖາມວ່າເຮົາເຂົ້າໃຈຄຳຖາມຖືກຕ້ອງ
- ພະຍາຍາມຕອບຄຳຖາມທັງໝົດ ແລະ ຖືກຕ້ອງຊັດເຈນ
- ແນະນຳຄວາມເປັນໄປໄດ້ສຳລັບການຖາມ ແລະ ວາງແຜນວ່າຈະໃຊ້ເວລາ ໃນການຕອບຄຳຖາມຫຼາຍປານໃດ
- ບໍ່ໃຫ້ປະຕິເສດຄຳຖາມ ແລະ ຖ້າເຮົາບໍ່ສາມາດຕອບທັນທີທັນໃດ ສັນຍາວ່າ ຈະຕອບເຂົາເຈົ້າຕາມຫຼັງ
- ບໍ່ຕ້ອງເຊື່ອງອຳ ຫຼື ປົກປິດ ເມື່ອເຮົາເອງບໍ່ຮູ້ຄຳຕອບ ຖາມຜູ້ເຂົ້າຮ່ວມອື່ນຊ່ວຍ
ສີ່ງທີ່ຄວນຫຼີກລ້ຽງ
- ປະຕິເສດຄຳຖາມ
- ບໍ່ຕ້ອງສະແດງໃຫ້ຜູ້ເຂົ້າຮ່ວມເຫັນວ່າ ເຈົ້າກຳລັງຄິດວ່າຄຳຖາມນັ້ນຖາມບໍ່ຖືກເປົ້າ ຫຼື ອອກນອກກອບ
- ຢ່າພະຍາຍາມບ່ຽງເບນ ຫຼື ບິດເບືອນຄຳຖາມ
- ຢ່າອອກນອກປະເດັນ ຫຼື ບໍ່ກ້າຮັບມື ກັບປະເດັນທີ່ກຳລັງດຳເນີນການຢູ່
- ຫຼີກລ້ຽງການຕອບຫຼາຍຄຳຖາມພ້ອມດຽວ
- ຫຼີກລ້ຽງຄຳຖາມເຮັດໃຫ້ຜູ້ອື່ນຈົນຕາແລ
- ຫຼີກລ້ຽງການໃຊ້ຄຳຖາມທີ່ໄດ້ພຽງຄຳຕອບ ແມ່ນ ຫຼື ບໍ່ແມ່ນ ເປັນປະຈຳ.
- ສຳລັບບົດເຝິກຫັດໃນການຖາມຄຳຖາມກະລຸນາເບິ່ງເອກະສານຄັດຕິດ A-II
